January 2008 Archives

Samkvæmt bloggkerfi mínu er þetta 30. færslan sem ég set hérna inná www.hrollur.net. Hugsa sér að maður geti skrifað 30 færslur um ekki neitt, í lífi sem er alltaf eins ;) En jújú. I dag er laugardagur og í kvöld er ég að fara í gleðskap og svo dansleik á eftir, eða einsog maður segjir á 21. öldinni partý og ball ... sumir sunnlendingar kalla þetta tónleika :O ... en þeir eru líka svo vitlausir. Það er alveg vonlaust veður úti, það verður ekki gaman að bíða eftir leigubíl og svona í nótt. Og mikið svakasvkasvakalega leiðist mér að skafa nissa á morgnanna. Í morgun var svo mikið kóf ofaná bílnum sem fauk framaní mig meðan ég djöflaðist á rúðunum, og loks þegar ég hélt að þetta væri orðið fínt og settist inní bíl, þá tók við önnur umferð af sköfun, núna innaná rúðunum! Bara í Reykjavík gerist þetta að maður þurfi að skafa endalaust báðumegin. Svo keyrir maður í vinnuna og bílinn rétt nær að hitna, nóg samt til að bræða hrímið sem maður skóf innanaf framrúðunni og aðeins af rúðunni sjálfri, en bara til þess að gufan af því myndi helmingi meri ís á rúðuna en var um morguninn ;( ... jæja, hættur að velta mér uppúr því, maður má nú samt kallast heppinn ef þetta er það leiðinlegasta í lífinu að skafa bílinn sinn, þá hlýtur maður annars að hafa það gott bara. Í góðum fréttum er það helst að það getur verið að ég sé að fá leiguíbúð á viðráðanlegu verði, væri þvílíkt til í að komast í eitthvað íbúðarhæft án þess að setja öll launin mín í það. En Svanur bróðir mömmu lét mig vita af þessu að kunningi hans væri að leigja út neðrihæðina hja sér, og ætlaði ekkert að okra á því. En þetta er uppí seljahverfi í breiðholti, fínt að vera þar, en svoltið mikið lengra í vinnu og svona. Vona bara að þetta gangi eftir, svo ég geti farið að halda partý og svona ;)

Ps. var að setja inn myndir af skíðaskálagleðinni, en sit enn á jóla og áramótamyndunum, veit ekki hvort þær eru hæfar.

MBL spáin mín í dag:
Vatnsberi: Allir geta reiðst, en í dag gerirðu nokkuð ótrúlegt. Þú verður reiður við réttu manneskjuna af réttum þunga og það mun skila sér í réttum breytingum.
.... össs, hasar í kvöld ??

Einsog það var nú gott að vera í jólafríi þá rétt náði það að vega upp á móti jólastressinu, spurning með að byrja á pakkadæminu aðeins fyrr á næsta ári ;) En þetta er loksins að verða búið, ef mínir útreikningar eru réttir þá verður jólunum hringt út á sunnudaginn. Þá verð ég reyndar timbraður ... ha? timbraður?? segja sumir hehe, en jájá, það er 13. fögnuður í vinnuni, það er árlegt djamm sem er haldið í skíðaskálanum í hveradölum. Það stendur alltaf fyrir sínu. Vísu hef ég nú aldrei verði ofuránægður með matinn þar, svoltið mötuneytislegur og finnst mér að það ætti að sleppa honum og kaupa áfengi fyrir allan peninginn bara. Hvissast hefur út að Páll Óskar verði að skemmta þar, en það á eftir að koma í ljós. Veit reyndar ekki hvernig fílingurinn verði að hafa Pál Óskar í svona fínu timburhúsi, með engum diskóljósum og fyrir miðnætti. Tala nú ekki um ef hann mætir í rasslausu leðurbuxunum sínum ;)
Nissi er enn á lífi, og ferjaði mig suður sem aldrei fyrr, reyndar er komið ískur í vélina, sem kemur oft í nokkra daga eftir langkeyrslur, held að hann sé bara að kvarta. En ég er svo mikill vélvirki að ég held að þetta sé tímakeðjan, hún sé að ískra í sleðanum sem heldur henni, enda breytist gangurinn þegar þetta kemur ... og held ég líka að við þann núning gæti hún örugglega slitnað á endanum, og þá er nissi dáinn!
Eftir vinnu í gær fanst mér góð hugmynd að fara bara í kringluna, kaupa í matinn og svona, víst að jólaörtröðin er búin ætti það ekki að vera neitt mál .... EN JÁJÁ, góðan daginn, það var örtröð í kringlunni! Sem maður fattaði ekki fyrr en maður komst 5 metra inní bílastæðahúsið, þar sat maður svo fastur í 15 mín, því það voru engin stæði laus, og allir biðu bara eftir stæði. Ég samt á þrjóskunni gaf mig ekkert fyrr en ég fann stæði, víst ég var nú kominn þangað á annað borð, og var það stæði svo langt frá að ég var kominn hálfa leið heim (bý í 10 mín göngufjarlægð). Og inni var þetta geðveiki! Bara einsog það væri Þorláksmessa. Ég líka sleppti því í snarhasti að skoða þessar útsölur og fór bara í bónus ... þar sem vinnur enginn íslendingur. Og verslaði fyrir 6 þúsund fyrir mig einann :) ... ég tæmdi alveg ískápinn fyrir jól, en hann er smekkfullur núna.
Var mjög fyndið þegar ég var kominn á kassann, þá var búið að loka, en það kom einn gaur inn um útganginn því hann var með disk sem hann vildi skila og var á síðasta skiladegi. Hann kom og spurði hvort hann mætti ekki bara skila einum diski þó það væri búið að loka? Og konan á einum kassanum var bara: tjsní brúkkó nímó lokað! lokað! Þannig að hann fór á næsta því hann skyldi ekki neitt, en þar var strákur sem sagði: brúttó, níkó njet .. da is closed! Og strákgreyði var bara: hvar er ég? Talar enginn íslensku hér? Þá kom 3já manneskjan: yes, a little bit, og náði að sýna honum frammá að á skilamiðanum stóð "skilið fyrir 6. jan" en það var bara 3. En ótrúlegt að það skuli ekki vera neinn íslendingur þarna! Allavega ekki á þessu tíma sem ég var. En það böggaði mig svosem ekkert svakalega.

Vatnsberi: Ástaryfirlýsingar og önnur loforð koma til sögunnar. Þú ert vantrúa, en tekur sönsum ef þú færð smá sönnun. Ráð: Það mun reynast betur að trúa.
... úúúú saucy!